Beidh cuntas MyGovID fíoraithe uait chun iarratas a dhéanamh. Mura bhfuil cuntas MyGovID fíoraithe agat is féidir leat ceann a chruthú anseo.
Cad is Pinsean Easláine ann?
Is íocaíocht seachtaine é Pinsean Easláine do dhaoine nach bhfuil sé ar a gcumas tabhairt faoi obair bhuan toisc breoiteacht nó míchumas. Tá sé bunaithe ar do ranníocaíochtaí árachais shóisialaigh (ÁSPC) agus ní sé tástáilte ó thaobh acmhainne de.
Is féidir leat Ráiteas Ranníocaíochta a lorg chun do thaifead árachais shóisialaigh a athbhreithniú.
Cé atá i dteideal Pinsean Easláine a fháil?
Caithfidh siad seo a leanas a bheith amhlaidh chun cáiliú le haghaidh Pinsean Easláine:
- a bheith faoi bhun 66 bliana d’aois
- na coinníollacha ranníocaíochta árachais shóisialaigh (ÁSPC) a chomhlíonadh
- nach bhfuil sé ar do chumas tabhairt faoi obair bhuan, nó nach raibh sé ar do chumas tabhairt faoi aon obair ar feadh 12 mí ar a laghad anuas, agus gur amhlaidh a bheidh an scéal agus nach mbeidh tú in ann tabhairt faoi aon obair ar feadh 12 mí eile.
Is féidir leat teacht ar eolas breise maidir le Pinsean Easláine ach cuairt a thabhairt ar gov.ie.
Conas ullmhú le haghaidh d’iarratas ar Phinsean Easláine:
Baineann dhá chuidleis an iarratas ar Phinsean Easláine:
- An t-iarratas ar líne seo agus é comhlánaithe agatsa
- An fhoirm liachta ar pháipéar (INVMed1) comhlánaithe ag do dhochtúir nó DG. Tá fáil ar an bhfoirm INVMed1 ó gov.ie agus is féidir í a íoslódáil nó í a fháil ó d’Ionad Intreo áitiúil
D’fhéadfaí nach n-iarrfaí ort foirm INVMed1 atá mar chuid den iarratas seo a chur ar fáil, más amhlaidh é gur sholáthar tú le déanaí, faisnéis liachta a bhaineann le híocaíocht fhadtéarmaí atá bunaithe ar bhreoiteacht.
Nóta tábhachtach:
Is é an bealach is tapa chun cinneadh a fháil maidir le d’éileamh ná an fhoirm INVMed1 a uaslódáil i dteannta d’iarratais ar líne. Muna féidir leat an fhoirm INVMed a uaslódáil, cuir ar fáil í taobh istigh de 21 lá ón am a chuir tú d’iarratas ar líne isteach. Cuirfearmoill leis an bpróiseáil agus cinneadh a dhéanamhmás amhlaidh go gcuirtear aon mhoill leis an bhfoirm seo a chuir ar fáil. Is féidir go mbeidh tionchar ar thoradh maidir le d’éileamh, muna gcuireann tú an fhoirm ar fáil laistigh de 21 lá.
Conas d’fhoirm INVMed1 a roinnt leis an Roinn:
Tá trí rogha ar fáil duit maidir leis an bhfoirm INVMed1 a sholáthar:
- Déan í a uaslódáil i dteannta d’iarratas
- An fhoirm a huaslódáil ar an tseirbhís Bainistigh m’Éileamh ar dheais do chuntais MyWelfare. Beidh sé sin ar fáil tar éis duit d’iarratas a chur isteach
- Is féidir leatsa nó do dhochtúir í a chuir sa phost go dtí an seoladh atá thíos anseo ag an mbun
Seoladh poist:
Rannóg na nÉileamh ar Phinsean Easláine,
Seirbhísí Leasa Shóisialaigh,
Tithe an Rialtais,
Bóthar Bhéal Átha na Lao,
Co. Longfort,
N39 E4E0
Cad a iarrfar ort?
Sonraí pearsanta
Iarrfar ort do sheoladh agus do chúrsaí cónaithe reatha a dheimhniú. Má tá cónaí ort i d’aonar, cuirfear ceist ort an dteastaíonn uait iarratas a dhéanamh ar Mhéadú i leith Maireachtáil Aonair.
Caidreamh & eolas ar theaghlach
D’fhéadfaí go n-iarrfaí faisnéis ort maidir le leanaí cleithiúnacha ag brath ar do chúinsí, agus an dteastaíonn uait iarratas a dhéanamh ar Íocaíocht Tacaíochta Linbh. Más amhlaidh a tharlaíonn, lorgófar uimhreacha PSP do leanaí. D’fhéadfaí go n-iarrfaí ort ar mhaith leat iarratas a dhéanamh ar Mhéadú i leith Duine Fásta Cáilithe.
Má tá iarratas á dhéanamh agat ar an Íocaíocht Tacaíochta Leanaí nó Méadú i leith Duine Fásta Cáilithe, iarrfar ort stádas do chaidrimh a dhearbhú. D’fhéadfaí go n-iarrfaí uimhir PSP agus faisnéis airgeadais do phairtnéara ort.
Sonraí fostaíochta & taithí oideachais
Iarrfar eolas ort maidir le do chuid taithí fostaíochta agus oibre agus chun a dhearbhú an bhfuil tú ag obair faoi láthair. Iarrfar ort chomh maith sonraí maidir le haon fhostaíocht a bhí agat lasmuigh de Phoblacht na hÉireann, a chur ar fáil. Cabhróidh sé seo do chuid incháilitheachta maidir le Pinsean Easláine.
Sonraí leighis
Iarrfar ort eolas a chur ar fáil maidir leis an tionchar atá ag do bhail, breoiteacht, gortú nó míchumas ar do shaol ó lá go lá agus ar do chumas tabhairt faoi fhostaíocht. Áirítear ina measc seo, sonraí maidir le cóireáil, tacaíochtaí, dochtúirí, speisialtóirí, teiripeoirí nó comhairleoirí. Iarrfar ort chomh maith foirm chomhlánaithe INVMed1 a chur ar fáil.
D’fhéadfaí nach n-iarrfaí ort an fhaisnéis seo a chur ar fáil, más amhlaidh é gur sholáthar tú le déanaí, faisnéis liachta a bhaineann le híocaíocht fhadtéarmaí atá bunaithe ar bhreoiteacht.
Beidh cuntas MyGovID fíoraithe uait chun iarratas a dhéanamh. Mura bhfuil cuntas MyGovID fíoraithe agat is féidir leat ceann a chruthú anseo.